Tá an CHI ag Sráid an Teampaill ar cheann de na sé ionad atreoraithe péidiatraiceacha ainmnithe do CF in Éirinn. Tá sé mar aidhm ag ár n-aonad CF péidiatraiceach cur chuige cuimsitheach (iomlánaíoch) a sholáthar maidir le cúram CF agus cuireann sé cur chuige foirne ar fáil do gach leanbh agus dá dteaghlaigh. Soláthraíonn an tAonad seo cúram ar bhonn othar seachtrach.
Clinicí CF
Reáchtáiltear Clinicí CF gach dara Céadaoin den mhí ó 8.30am – 1pm. Tionlactar tuismitheoirí agus leanaí chuig seomraí aonair le linn a gcuairte.
Feictear formhór na n-othar inár rannóg othar seachtrach go rialta, gach trí mhí de ghnáth. Má roinntear cúram do linbh le d’ospidéal áitiúil feicfear do leanbh anseo dhá uair sa bhliain ar a laghad. D’fhéadfadh cuairteanna a bheith níos minice de réir riachtanais shonracha an linbh.
Coinní breise clinic
Má tá do leanbh tinn agus gur gá é a fheiceáil roimh a gcéad choinne eile sa chlinic is féidir é a chur in áirithe sa chéad chlinic CF eile nó a fheiceáil san aonad. Má tá imní ort ag am ar bith faoi shláinte do linbh déan teagmháil le do thoil leis an altra speisialtóireachta CF le gur féidir leo coinne a shocrú. Is féidir teagmháil a dhéanamh leis an altra CF ag (01) 878 4377 nó trí phríomhlasc an ospidéil ag (01) 878 4200 agus bleep 795 nó 730. Is iad uaireanta oifige 07:45-16:00 Luan go hAoine.
